သို့ ကဗျာတစ်ပုဒ်

ရဲရဲရင့်ရင့် ခေါင်းမော့ကြည့်လိုက်စမ်းပါ

ခေတ်နေ

ကြွေသွားတဲ့ ကြယ်တွေနေရာ

အစားထိုးဝင်ရောက်လာမယ့် ကွက်လပ်ဖြည့်တစ်ခုဟာ

ခေါင်းကိုမော့ လက်ကို ဆုပ်ထားမှ လှတော့မှာပေါ့

လောကဓံတရားကို လက်တစ်လုံးခြားကစားဖို့

ခေတ်နေဟာ အားမာန်ရှိထားရမယ်

ခေတ်နေသို့စာတစ်စောင်မှာ ဘ၀တစ်သက်စာ အဟာရပါတယ်

ခေတ်နေဆိုတဲ့နာမည်မှာ အဓိပ္ပာယ်တစ်ခုပါတယ်

နောင်တစ်ခေတ်မှာ ထွန်းတောက်မယ့်ကြယ်အတွက်

နေတစ်လုံးရဲ့ ကိုယ်စားပြုပုံ

ကမ္ဘာတစ်ခုရဲ့ လမ်းလျှောက်ပုံ

လူတစ်ယောက်ရဲ့ မွေးဖွားပုံနဲ့ဆိုင်တယ်

ကလေးရယ် ..

စိုသောလက်တွေ ခြောက်နေမြဲ

ခြောက်သောလက်တွေ စိုနေမြဲ

ခိုင်မြဲကျော်စွာရဲ့ သားချစ်ကဗျာကိုလည်း ဖတ်ထားရမယ်

ကမ္ဘာမီးလောင် သားတောင်ချနင်းနေတဲ့ ခေတ်မှာ

ဆာလောင်နေတဲ့ ငါတို့

အနာဂတ်ကို မင်းတို့ ပုံလို့ ပေးထားတယ်။